Aste honetan Zinhezba kultur elkartea aurkezten dizuegu, 2004ean sorturiko elkarte honek Zinearen bidez Giza Eskubideetan heztea helburu du. Gai ezberdinen inguruko hezkuntza-programak garatzen ditu, betiere ikasketa prozesu interaktibo eta partehartzailearen esparruan.

Zinea bere lanabesa.

Ikus-entzunezkoen arloko alfabetizazioa sustatu nahi dute, eskola adineko biztanleriaren artean jarrera kritikoagoak pizteko.

Ikus-entzunezkoek, erabiltzen duten lengoaia mota dela eta, laburtzeko, erlazioak eratzeko, eta informazioa prozesatzeko eta era zabalago batean aztertzeko ahalmena suspertzen dute, eta honek ikasteko beste era bat suposatzen du. Ikasleak gero eta sarriagotan eratzen dituzte kontaktu sozialak ikus-entzunezkoak edo informatikoak diren medio eta teknologien bidez, askotan indarkeriazko edukiekin. Kontzientzia kritiko baten sorrera uneoro jasotzen dituzten irudi negatiboetatik defendatzeko beharrezko erreminta da.

Helburuak

• Pertsonen funtsezko eskubideetan sakontzea, balioetan oinarritutako hezkuntzaren bidez.
• Ikus-entzunezko baliabideei buruzko jarrera kritikoa garatzea, irudia ezagupenen unibertsoan txertatu ahal izateko.
• Zinema-hizkuntza hobeto ezagutzea, sentsibilizazioa eta kontzientziazioa lortu ahal izateko bere adierazpen-baliabideak erakutsiz.
• Beste gizarte eta kulturei buruzko ikuspegi-eremua zabaltzea, desberdin denari errespetua izateko
• Giza eskubideen bortxaketak identifikatzea dagokien eremu guztietan eta sufritzen dutenenganako elkartasuna bultzatzea.
• Leku bakoitzean eta munduan aukera litezkeen irtenbideak hobeto ezagutzea eta ekintza bultzatzea, ikasleen partaidetzaren bitartez.
• Pertsonei errespetu handiagoa izatea, beren adina, sexua, arraza, iritzia, premia eta kulturaedozein dela ere.

Zine eta Giza Eskubideen Eskolak

Programa honetarako baloreetan oinarritutako hezkuntzaren eta Giza Eskubideen arloan interes pedagogiko eta tematiko nabarmena duten laburmetraien eta luzera ertaineko filmen sorta zabala daukate.

Programak

• Gaiaren arabera
• Adinaren arabera
• Monografikoak

<h2

Berdintasunerako Eskolak 14 eta 18 urte bitarteko gazteei zuzenduriko proiektu pedagogikoa da. Dena den, emakumeen taldeei, helduentzako hezkuntzako zentroei edota etorkinen elkarteei zuzentzeko ere formatu egokia eskaintzen dute.

Urretxindorra Euskadi Kulturarteko Proiektua +

Urretxindorra Euskadi 2012 Proiektuan unibertsitateko ikasle boluntarioek atzerriko jatorria duen ume bat laguntzen dute ikasturte batez, honi hiriaren espazio ezberdinak, eta aisialdiko eta ekoizpen kulturaleko eremuak ezagutarazteko asmoarekin. Horrela, hiriak duen eskaintza kulturalaz baliatuz, ekintza ezberdinak egiten dituzte elkarrekin.

Zine eta Giza Eskubideetan hezitzaileentzako heziketa

Programaren helburua irakaskuntzaren komunitateari zinea erreminta hezitzaile moduan integratzeko beharrezko errekurtsoak eskaintzea da. Irudiek probatutako eraginkortasuna daukate, baloreekin eta pertsonen oinarrizko eskubideekin erlazionaturiko gaiak lantzen hasteko orduan. Gero eta handiagoa izan irakasleriak arlo honetan duen jakintza, orduan eta indartsuagoa izango da erreminta honekin egin dezakeena.

Haur eta Gazteentzako zine-zikloa

Esparru alternatibo bat eskaintzen dute, zine areto komertzialak aukera bakarra izan ez daitezen. Haur eta gazteen biztanleria entretenitzeko bakarrik ez den eta beraientzat pentsatu eta sortu den zinera hurbildu nahi dugu.

Umeak orrialde zuriak bezalakoak dira, eta haien inguruko munduan izaten dituzten bizipenak orrialde hauetan inprimatzen joaten dira. Irudimena eta fantasia etorkizunean mundua modu sortzaile eta justuan ulertuko duten pertsona osasuntsuak osatzeko ezinbesteko erremintak dira. Euren irudimena eta fantasia sustatzea ezinbestekoa da etorkizunean mundutik modu sortzaile eta justuan ibiliko diren pertsona osasuntsu eta alaiak izateko.

Garrantzitsua iruditzen zaigu gure gazteenei kalitatezko irudiak eskaintzea, errealitatea ulertzeko beste begirada batzuk erakusten dituztenak, errealitatea ulertzeko beste modu bat aurkezten dituztenak, izan daitezkeen eta izan ezin diren beste mundu batzuk azaltzen dituztenak. Garenaren ispilu direnen ezagutza handitzen duten irudiak. Hain da boteretsua zinea, kontatzen dizkigun istorioetan, aurkezten dizkigun pertsonaietan eta pizten dituen emozioetan gure burua ezagutarazten digula…

Zikloak eta zine eta giza eskubideen erakustaldiak

Instituzio eta erakunde ezberdinentzat gai sozialekin eta giza eskubideekin zerikusia duten mota guztietako filmak programatzen dituzte. Gizartean hausnarketa, analisia eta ahalmen kritikoa sustatzea bilatzen dute. Galdera berriak egitea erantzun berriak aurkitzeko erarik hoberena da.

Baliabideak

Agenda