Aste honetan Bakeola aurkezten dizuegu, EDE Fundazioaren gatazkak behar bezala tratatzeko zentro espezializatua, gizarte eragile eta eragile hezitzaileekin egiten dute lan ikuspuntu integraletik abiatuta.
Gatazken dinamikan eta horiek tratatzen espezializatutako langileez osatutako zentroa da. Bere eginkizuna gizarte eta heziketa eragileak trebatzea da, sare soziala indartzeko eta herritar aktibo, kritiko eta bake eraikitzaileen oinarriak finkatzeko.
Bakeolaren ekintza bake positiboaren kontzeptuekin bat eginez garatzen da. Kontzeptu hori justizia sozialaren eta berdintasunaren printzipioetan oinarrituta dago, bai eta gatazkaren ikuspegi sortzailean ere. Izan ere, gatazkak desberdintasunak sortzen dituzten egoerak aldatzeko eta eraldatzeko aukera ematen du.
Bizikidetza hobetzeko, Giza Eskubideak sustatzeko, komunitatea garatzeko eta gizartea eraikitzeko prozesuak bultzatzen ditugu, azken finean, Bakearen Kultura sustatzeko.

Helburuak

• Esku hartze eremu ezberdinetako hezitzaileei zuzendutako trebakuntza jarduerak garatzea: heziketa formala, heziketa ez formala, eta abar.
• Herri mailan ekimenak eta programak abian jartzea bizikidetzaren eta bakearen balioak sustatzeko
• Herri mailan eta eskoletan bizikidetzari buruzko proiektu integralak garatzen laguntzea.
• Euskadin bakearen eta Giza Eskubideen alorrean lan egiten duten eragileen arteko topaketa eta lankidetza espazioen garapena bultzatzea

Lan arloak

Prestakuntza eta trebakuntza

• Prestakuntza eta trebakuntza programak garatzen dituzte eskoletan ikuspuntu integraletik gatazkak prebenitu eta positiboki kudeatzeko. Horretarako, ikasleekin, familiekin, irakasleekin, irakasle ez den pertsonalarekin eta abar modu bateratuan egiten dute lan, hau da, hezkuntza komunitatea osatzen dutenekin.
• Aisialdi taldeetan, elkarteetan, gizarte ekintzako GKEetan eta abar prestakuntza ematen dute gatazken dinamika eta bilakaera lantzeko, bai eta gatazkak modu positiboan kudeatzeko teknikak eta lanabesak lantzeko ere.

Azterlanak eta ikerketak

Bakeolak ikerketaren aldeko apustua egiten du Bakearen hezkuntza eta Giza Eskubideen alorreko eduki eta metodologiak etengabe eguneratzeko tresna gisa.
Une honetan jolas kooperatiboek (link-a) gatazken kudeaketan duten sormen eraginari buruzko ikerketa burutzen ari dira.

Bizikidetza planak

Bakeolak laguntza eskaintzen die Euskal Autonomia Erkidegoko udalei eta eskolei Bizikidetzako Plan Integralak diseinatu eta aurrera eramaten.

• Herri mailako Bizikidetza Planak
• Ikastetxe mailako Bizikidetza Planak

Lana sarean

Giza Eskubide eta Bake Hezkuntzaren Elkarteen Foroaarekin eta era berean, bestelako plataforma eta talde sareekin lankidetzan dihardute, hala nola:

• Euskadiko Gazteriaren Kontseilua
• Kiribil Sarea
• Euskalerriko Eskautak
• Espainiako Gazteria Kontseilua
• Eta beste.

Aholkularitza eta konsultoretza

Bakeolak erakunde publiko eta pribatuei laguntzen die honakoetan:
•

• Beharrei buruzko diagnosiak egiten.
• Analisi prozesuak eta akordioak errazten.
• Erakundeko gatazkak kudeatzen.
• Bakearen Hezkuntza, Giza Eskubideen hezkuntza eta abarri buruzko programen diseinuan eta garapenean laguntzen.
• Bizikidetza Planak aurrera eramaten.
• Eta beste.

Programa sozioedukatiboak

Bakeolak eskola, erakunde eta udaletan programa sozioedukatiboekin lan egiteko apustua egin du. Izan ere, Bakeolaren ustetan, programa horiek baliabide pribilegiatuak dira, modu ludiko eta librean Bakearen Kultura bultzatzen duten balioak bizitzea ahalbidetzen dutelako.
Bakeolatik garatzen diren programetako batzuk honako hauek dira:

• IKTak: Gaztea eta biolentzia sarean inguruko ikus-entzunezko sormena
• Gatazkaren txotxongiloak
• Ludoteka kooperatiboak
• Bakerako ibilbideak
• Kontaidazu
• Bakearen aldeko ginkana
• Eta abar

Bakeolak hitzartutako programa sozioedukatiboak ere egiten ditu, Bakearen Hezkuntza eta Giza Eskubideen gaiarekin lotutako eskaerei erantzunez.

Trukeme Jolas kooperatiboak

Trukemek gizarte eta hezkuntza eragileen trebakuntza proposatzen du jolasaren esperimentazioaren bitartez. Halaber, lankidetza-jolasen hedapenean ere jarduten da, jolas parte-hartzaile eta integratzaile gisa, jolas lehiakor eta
baztertzaileen alternatiba gisa.
Trukemeren jarduera Bakeolak, gatazketarako bitartekaritza zentroa, lantzen dituen bake eta justizia sozialeko oinarrizko printzipioekin bat garatzen da.