Foroak Bizikidetzarako bost eremu ekintza aurkezten du

60 pertsona baino gehiago elkartu ziren Bilboko Carlton Hotelan Giza Eskubide eta Bake Hezkuntzaren Elkarteen Foroak antolatutako “Bizikidetzaren erronkak” agiriaren aurkezpenean eta eztabaida politikoan

Urriak 2, indarkeriaren Ezaren Nazioarteko eguna, Foroak ekintza hau abian jarri zuen, bizikidetzaren arloan ekarpen gisa. Horretarako Foroak bost lan eremu proposatzen ditu; politiko-instituzionala, heziketa eremu, elkartze-eremua, udal eremua eta hedabideen eremua.

Lehenengo eremua, politikoa, Bilboko Carlton Hotelan eman zen, ekintzara pertsona ugari bildu zen zuzenean ezagutzeko alderdi politikoen ordezkarien ekarpenak hiru galdekizun aurrean; euskal gizarteak gainditu behar dituen erronka nagusiak bizikidetza sendo eta eraginkorra eraiki ahal izateko; bakearen eraikuntzan arrakastarekin aurrera egiteko premiazkoak direnak identifikatu eta bakea lortzearren alderdi politikoek ezartzen dituzten mugak, egingo lituzketen sakrifizioak.

Alderdi politikoen ordezkariak honakoak izan ziren; Iñigo Iturrate EAJ/PNV-tik, legebiltzarkidea, Eusko Legebiltzarreko Giza Eskubideen, Berdintasunaren eta Herritarren Partaidetzaren Batzordeko bokala; Juanjo Agirrezabala EH-BILDU-tik, legebiltzarkidea, Eusko Legebiltzarreko Mahaiko lehen lehendakariordea; Idoia Mendia PSE-PSOE-tik, legebiltzarkidea, Erakunde, Segurtasun eta Justizia batzordeko kidea; Carmelo Barrio PP-tik, legebiltzarkidea, Eusko Legebiltzarreko Osasun Batzordeko presidentea. Arabako Alderdi Popularreko bozeramailea; Gorka Maneiro UPyD-tik, legebiltzarkidea, Eusko Legebiltzarreko Giza Eskubideen, Berdintasunaren eta Herritarren Partaidetzaren Batzordeko bokala; Ángel Bao Ezker Anitza-tik, Ezker Anitza-EBko Lehendakaritzako kidea eta José Ramón Becerra EQUO-tik., EQUO Euskadiko Bake eta eremu Politikoari buruzko Lan Talde koordinatzailea.

Haiek izan ziren hiru galdera hauei erantzuna eman zituztenak eta, halaber, publikoak, txanda bakoitzaren bukaeran, idatziz bidaltzen zituen galderei.

Jardunaldiaren amaieran hizlari bakoitzaren esaldi esanguratsuak batu ziren; José Ramón Becerrak bere alderdiaren ekarpenei buruz “emore eman beharko da, baina aberasteko aukera gisa hartuz”; Angel Baok “gatazka erabakitzeko aukera gisa hartzea” defendatu zuen; Gorka Maneirok “bizikidetza erronka nagusitzat” dugula azpimarratu zuen; Carmelo Barriok “gizarte aske eta biolentziarik gabekoa”ren beharra ikusi zuen; Idoia Mendiak, “alderdien artean ondo konpontzearen beharra” nabarmendu zuen; Juanjo Agirrezabalak “gizarteek pentsaten dutenari eustea eta gauzatzeko eskubidea” defendatu zuen eta Iñigo Iturrate-ren ustez garrantzitsua da “entzutea baina interpretatu, irrigarri utzi eta erasoa jo gabe” .

“Bizikidetzaren erronkak” agiriaren aurkezpena

Gorka Ruiz-ek , Foroaren presidenteak,
Bizikidetzaren erronkak” dokumentua aurkeztu zuen atzoko Jardunaldian. Agiri honek iaz, azaroaren 22an, antolatu ziren mintegi bakoitzeko partaide guztien lana laburbildu nahi du. Hainbat esparrutako ordezkariek, hain zuzen ere, Hezkuntza-esparrukoek, Udal-esparrukoek, Gizarte-esparrrukoek eta Hedabide-esparrukoek, Euskadikobizikidetzari buruzko eztabaidan sakon zezaten zen helburuan. Zehazki, indarkeriarik gabeko bizikidetza demokratikoa eskuratzeko bide horretan esparru bakoitzak dituen erantzunkizunen inguruan eztabaidatzea.

“ Bizikidetzaren erronkak” agiria

Urriaren 2ko egitaraua:

Gorka Ruiz Onda Vasca-n

Jardunaldiaren bideoak