Aste honetan Gernika Gogoratuz, Bakearen aldeko Ikerketa Zentroa aurkezten dizuegu. 1987an sortu zen, Gernikako Bonbardaketaren 50. Urteurrenean.  Memoriaren alorrean eta bakearen aldeko kulturaren alorrean aritzen da. Gernika Gogoratuz Fundazioak babesten du Zentroa.  Helburua da “hausnarketa zientifikotik sortutako edo horretan oinarritutako ekarpenekin, eta Gernika hiriari eta ikurrari lotuta, bake askatzailea eta justua bultzatzea mundu mailan eta, bereziki, Euskal Herrian; horrela, Gernikan Bakearen aldeko Ikerketa Zentroa ezartzeari buruz 1987ko apirilaren 10ean Eusko Legebiltzarrak onartutako ez-legezko Proposamena betez”. Ikerketa, prestakuntza eta esku-hartze komunitarioaren arloan garatzen ditu bere jarduerak, bi lan-ildoen bitartez. Bakearen Sinbologia eta Eguneroko Bizitza eta Bakea

BAKEAREN SINBOLOGIA

Gernika Gogoratuz zentroaren helburua da Gernikaren ikurra aberastea, bakearen aldeko hausnarketa akademikoaren eta gizarte ekintzaren bitartez.  Gernika-Lumo hiriak garrantzi historiko eta kultural handia dauka; izan ere, UNESCOk Bakearen Hiria izendatu zuen Europako eskualdetik (2002-2003). Beraz, memoriarako gune nagusia da haren irudikapen sinbolikoak eta ekintza komunitarioa aztertzean, Bakearen eta Giza Eskubideen aldeko Kulturari ekarpena egiteko. Helburuak

• Topaketa eta hausnarketa guneak antolatzea.
• Bakearen aldeko ikerketa eta ekintza berritzailea sendotzea, unibertsitateekin, gizarte-erakundeekin eta instituzioekin elkarlanean.
• Nazioarteko kooperazio programetan parte hartzea, lan sareak sendotuta. Europa eta Latinoamerika.

  Eguneroko bizitzan agertzen dira, ekintza bakoitzean eta portaera bakoitzean, besteekin eta naturarekin ezarri ditugun harremanak, gure beharrak asetzeko une historiko zehatz batean.     Eguneroko bizitza oso eremu egokia da gizartearen eraldaketa sakonean esku hartu, ikertu eta lantzeko, diziplina anitzeko ikusmolde batetik, betiere Bakearen aldeko Kultura eraikitzeari begira.

Helburuak

r
• Gure inguruko errealitate normalizatuan esku hartzea, esku-hartze komunitarioko programen bitartez, gatazkak eta eguneroko egonezinak deskodetu ahal izateko, eta horiek eraldatzeko behar diren irizpideak eta elementuak ekartzeko.
• Pertsonen protagonismo indibiduala eta soziala sustatzea, haien gaitasun eratzailea berreskuratuta eta garatuta.
• Taldea indartzea hausnartzeko eta ikasteko gune bezala, eraldaketak egiteko gune pribilegiatu bezala.

Dokumentazio zentroa eta liburutegia

Zentroak liburutegi espezializatua, hemeroteka, bideoteka eta artxibategia ditu. Dokumentu-funtsak 8807 erregistro automatizatu ditu. Liburutegiak 4077 monografia, 208 unitate didaktiko eta 336 ikus-entzunezko baliabide katalogatuta ditu.             Gernika Sarea izeneko proiektu editoriala zuzentzen du. Marko horretan 13 monografia eta 17 lan-dokumentu argitaratu dira. Beste bilduma bibliografikoen eta ikus-entzunezko ekoizpenen alorrean, 25 obra monografiko eta ikus-entzunezko material argitaratu dira guztira.  

Kideak

• Giza Eskubideen eta Bakearen aldeko Hezkuntzako Elkarteen Foroa, 2007tik.
• Bakearen Ikerketarako Espainiako Elkartea, 1997tik.
• Kontzientzia Lekuen Nazioarteko Koalizioa, 2012tik.
• Bakearen eta Berradiskidetzearen aldeko Gernika Sariak, 2005etik.
• Gernikako Astra Koordinadora, 2007tik.
• BILGUNE Sarea.  Gernikatik Mundura, Ideasur, Gernika Gogoratuz, 2003tik.
• Busturialdeko Immigrazio Foroa, 2010etik.
• Urdaibaiko Patronatuaren Biosfera Erreserbaren Kooperazio Kontseilua, 1996tik.

Lankidetza unibertsitateko master hauekin

• Unibertsitateko Masterra Nazioarteko Kooperazio Deszentralizatuan:  Bakea eta Garapena. Agenda globalaren azterketa eta kudeaketa EHUko Nazio Batuen sistemaren markoan.
• Unibertsitateko Masterra Giza Eskubide eta Demokratizazioan. Deustuko Unibertsitateko Pedro Arrupe Giza Eskubideen Institutuko EMA Masterra.
• Nazioarteko Masterra Castelloko Jaume I Unibertsitateko Bake, Gatazka eta Garapenaren Ikasketetan.

Praktika akademiko eta sozialetarako hitzarmenak

• EHUko Filosofia eta Hezkuntza Zientzien Fakultatea.
• Pontificia Universidad Javeriana.  Politika Zientzia eta Nazioarteko Harremanen Fakultatea, Kolonbia.
• Lanbide Euskal Enplegu Zerbitzua eta San José de Calasanz Ikastetxea (Santurtzi). Lanbide Euskal Enplegu Zerbitzua eta IFES (Bilbo)

HURRENGO EKINTZAK ETA PROIEKTUAK 2014

Topaketa eta hausnarketa guneak

• Memoria Historiko eta Antimilitarismoari buruzko Gernikako II. Jardunaldiak Hausnarketa eta adierazpide artistikorako jardunaldiak, armen salerosketa salatzeko. Antolatzaileak: Gernikatik Mundura, Gernika Gogoratuz eta Ideasur, Gernika-Lumoko Astra koordinadora, Kultur Etxe eta Udalaren laguntzarekin.

• Gernikako Kultura eta Bakearen Nazioarteko XXIV. Jardunaldiak. Programa akademiko, sozial eta kulturala, Gernikako Bonbardaketa oroitzeko ekitaldien markoan. Urtero egiten da, hurrengoekin lankidetzan: Gernika-Lumoko Udala, Eusko Jaurlaritzako Biktima eta Giza Eskubideen Zuzendaritza eta Hezkuntza, Kultura eta Hizkuntza Politikako Saila, Bizkaiko Foru Aldundia, EHUko Masterra, Deustuko Unibertsitateko NOHA Masterra, Castelloko Jaume I Unibertsitateko Masterra. Apirilaren 26tik 29ra.

• Gernikako Arte eta Bakearen Nazioarteko VI. Topaketa. Antolatzaileak: Gernikako Bakearen Museoa, Kultur Etxea eta Gernika Gokoratuz, Gernika-Lumoko Udalarekin eta Eusko Jaurlaritzako Biktima eta Giza Eskubideen Zuzendaritzarekin lankidetzan. Gernika-Lumon, azaroaren 27 eta 28an.

Hezkuntza programak eta proiektu komunitarioak

  Tokian-tokian

• Heziketa ibilbideak “Memoria eta artea
  bakearen pedagogia bezala”. Bigarren hezkuntzako ikasle, unibertsitateko ikasle eta irakasle eta ikertzaileen bisitak koordinatzea.  Bakearen Ikerketa Zentroan harrera, eta Gernikako interes historikoko lekuak bisitatzea (Gernikako Arbola, Batzar Etxea, Gernikako Bakearen Museoa, Astra Sormen Sozialerako Fabrika…).
• Gernika-Lumoko elkarbizitzarako Plan Integrala: Esku-hartze komunitarioa, aniztasuna eta elkarbizitza.  Planak ezagutza sustatzeko eta udal baliabideak erabiltzeko jarduerak hartzen ditu barne. Hausnarketa bultzatzen da kultura-artekotasun eta gazteria gaietan, eta elkarte-ehuna indartzeko sareak sortzea sustatzen da.
• Heziketa programak genero berdintasunerako politiketan Bilgune Sarearen markoan (Gernikatik Mundura, Ideasur eta Gernika Gogoratuz). Heziketa ikastaroak: “Gaur gizona izatea, isildutako problematika”, “Nerabezaroan hazten laguntzea”, “Gurasoen tailerra, aniztasun eta berdintasunean hazten lagunduz”.

Nazioartean

• Leku sinbolikoak eta memoriaren ibilbideak. Gernika – Pforzheim 1989-2014 senidetzearen 25. urteurrena. Gizarte, kultura, arte eta kirol arloko ekimenetan laguntzea.
• Garapen, memoria eta bakearen aldeko kooperazioa. Bilgune Sarearen markoan (Gernikatik Mundura, Ideasur eta Gernika Gogoratuz).  Eusko Jaurlaritzako giza eskubideen defendatzaileak babesteko programan eta Eusko Jaurlaritzaren Garapenerako Lankidetzarako Euskal Kontseiluan parte hartzea.