Aste honetan Ikertze aurkeztu nahi dizuegu, irabazi asmorik gabeko kultur elkarte pribatu bat da. 30 urte ditu eta hezkuntza proiektuak egiten ditu bertan.
1985. urtean hasi ziren San Telmo museoan ideia plastikoak landuz. Ondoren, disziplinartekotasuna garatu zuten hiritarren partaidetza prozesuak antolatuz. Bertan parte hartzen zuten taldeekin lan egiteko moduan adierazteko forma berriak txertatu zituzten.
Artea, zinea eta filosofia bere jardunean erabiltzen dituzten baliabideak dira.
Ikertzen tailer irekiak eskaintzen dituzte eta baita ere ikastetxeetan, museoetan eta hirian.
Hezkuntza proiektuak eta pertsonalizatutako bizikidetzarako programak egiten dituzte.
Aholkularitza zerbitzuak eta formazio ikastaroak eskaintzen dituzte gure hezkuntza programak landu nahi dituzten ikastetxe eta hezitzaileentzat.
Kurrikuluma 2010 – 2012
2010 – 2012
• ZINEA IKASGELAN I
Lehen Hezkuntza. Zinema metodo didaktiko eta hezitzaile bezala aurkezten zaigu programa honetan eta helburua baliabide hau arte objektu bezala deskubritzea da. Partaideek onartutako kalitate zinematografikoa duten pelikulak ikusi eta zinemaren baliabide teknikoak ikertu eta ezagutuko dituzte.
• ZINEA IKASGELAN II eta III
Lehen hezkuntza. Bigarren hezkuntza. Neska mutilek laburmetrai bat egingo dute sorkuntza prozesu guztian parte hartuz: Gidoia idatzi, filmaketa prestatu, filmatu, laburmetraia editatu eta soinua ipini.
• EZINTASUN INTELEKTUAL ETA FISIKOAK DITUZTEN PERTSONEI ZINE IKASTAROA ATZEGIREKIN ELKARLANEAN
Zine ikastaro praktikoa. Ariketa zinematografikoak egin eta taldeko pertsonen errealitatearekin lotuta egongo den laburmetrai bat fimatuko dugu.
• KULTUR EKINTZA TABAKALERAN, IRUDIARENTZAKO GUNEAK.
Donostiako Neska Mutilen X. Entzunaldi Publikoak ‘kultura’ izan zuen lanerako gai. Prozesuaren barnean, ikus-entzunezko tailer batzuk egin genituen Tabakaleran eta gazteek beraien iritzi eta proposamenak filmatu zituzten kamerak, argiak, travellinga, etab. erabiliaz.
• GAZTETXOEN ELKARTEARENTZAT ZINE TAILERRA
Uda eta zinea. Laburmetrai bat sortzeko beharrezko diren urrats guztiak ikasi eta filmatu: gidoia idatzi, filmaketa, edizioa eta soinua jarri.
• ELKARRIZKETAK IKASGELAN, BIZIKIDETZARAKO GUNEA
Lehen hezkuntza. Programaren helburua bizikidetza eta partaideen arteko errespetua lantzea da haurrentzako filosofiaren kurrikulumeko materialen irakurketatik abiatuta sortzen diren elkarrizketen bidez.
• KALEAN USO ETXEAN OTSO
Bigarren hezkuntza: 3. DBHtik abiatuta.Emakumeen aurkako tratu txarrak saihestu eta prebenitzeko programa; indarkeria matxistaren arazoa abiapuntu izanik, pertsonen arteko tratu eta errespetuaren inguruko gogoeta egiten da.
• ZEIN TRATU EMATEN DIOGUN ELKARRI ETA NOLA ERLAZIONATZEN GAREN
Bigarren hezkuntza: 1. eta 2. DBH. Laburmetrai desberdinak ikusi ondoren taldeko elkarrizketa parte hartzaile eta eraikitzaileari ekingo diogu. Programaren bukaera aldera, gazteek esperientzi zinematografiko bat izango dute, “Lumière minutu” baten grabaketan parte hartuz.
• BIZIKIDETZARAKO PROGRAMA
“Bizikidetza guztion artean eraikiz” programa tutoretza saioetan txertatzeko, lehen hezkuntzako irakasleekin formakuntza eta jarraipena.
• DONOSTIAKO NESKA MUTILEN IX ETA X. ENTZUNALDI PUBLIKOAN AHOLKULARITZA LANA
Auzoak eta herritarren partaidetza sailetik sustatua, programa honek neska mutilen ahotsa eta iritziak udal politiketan txertatzea du helburu.
• DONOSTIA EZAGUTU-REN ANTOLAKUNTZA ETA EDUKIEN DISEINUA
Kutxako Gizarte Ekintzako Gaztetxoen Elkartetik sustatua, udan egiten den kultur aisialdirako programa honetan kulturak eta kirolak bat egiten dute eta 1000 haur inguruk parte hartzen dute.
• IRUN EZAGUTU-REN ANTOLAKUNTZA ETA EDUKIEN DISEINUA
Kutxako Gizarte Ekintzako Gaztetxoen Elkartetik sustatua, udan egiten den kultur aisialdirako programa honetan kulturak eta kirolak bat egiten dute; jarduerak, gure hiriko historia ezagutzen lagunduko diguten pista jokoetatik kirol eta kultur guneetako tailerretara doaz.
• ZINEMA, FILOSOFIA ETA PSIKOLOGIAREN LAGUNTZAREKIN KONPETENTZIETAN HEZI
BIGARREN HEZKUNTZA. Erlazionatzeko arazoak dituzten ikasleak dituzten ikastetxeetara zuzendua, programa honetan, zinema, filosofia eta psikologia jarrerak zuzendu eta bizikidetza eta ikasgelako integrazioa errazteko baliabideak dira.
• IKASKETARAKO GUNEAK ZENTRO TERAPEUTIKOETAN
Programak patologia psikiatrikoak eraginda jarrera arazoak dituzten gazteekin zinea baliabide terapeutiko bezala erabiliz lan egitean datza.
• LAGUNAK EGITEN
Ezintasun intelektuala eta autonomia maila altua duten pertsonengana zuzendua, programa honek harreman pertsonalak erraztu eta lagunak egitea ditu helburu.
• IKASTETXEA ETA GURE HIRIKO GIZARTE ERREALITATE DESBERDINAK
BIGARREN HEZKUNTZA. Ikasleak sentsibilizatu eta gure hiriko errealitate sozial desberdinak bertatik bertara ezagutzeko programa. Neska mutilek, funtsezkoak ez diren
gauzak funtsezkoak direnetatik bereizten ikasiko dute eta beraien bizitzen eta egiten dituzten ekintzen kontzientzia eta ardura izaten.
• KONTSULTA PROZESU PARTE HARTZAILEA
Gipuzkoako Foru Aldundiko Haurtzaro eta Gazteria Zuzendaritza Orokorrak sustatua, 4 ludoteka eta 2 ikastetxeetan kontsulta aurrera eraman zen haurren iritziak jaso eta Haurtzaroaren Balio Anitzeko Zerbitzuan txertatzeko.
• TXALUPAGILLENE PLAZAN TAILER IREKIAK
Proiektu bati amaiera ematen diogun bakoitzean, tailerra Txalupagillene plazara ateratzen dugu auzokideei doako parte hartzea eskainiz, eta Lugaritz Kultur Etxeko erakusketak ikustera gonbidatuz. Tailer hauek larunbata goizetan egin ohi ditugu.
• ESKOLAZ KANPOKO TAILERRAK IKERTZEN
Artearekin jolastuz, 4tik 12ra urte bitarteko haurrentzat, talde txikietan lan egiteko eskaintzen dugun programa da. Gure helburua neska mutilei komunikatzeko modu desberdinak bilatzen laguntzea da, eta bide honetatik, beraien sorkuntza sustatzea.
• ESKOLAZ KANPOKO PLASTIKA LANTEGIAK IKASTETXEETAN
Artea eskolan, eskolako arte plastikoetako programa osatzen duen eskaintza da eta haurrek ikastetxean duten denbora librean kokatzen da. Helburua, parte hartzaileak artearen munduan motibatzea da, esperimentatuz, hausnartuz, jolastuz, mintzatuz, eta batez ere, dibertituz.
Aurreko Kurrikuluma
Azkenengo berriak eta ekintzak
